Aasmaani rang
- Get link
- Other Apps
Neele aasmano se poocha hai kabhi,
Ki teri neele baadlon me khamoshi kyoun hai?
Ajnabi hawaon sang tera rukh badalta kyoun hai?
Tu aasmaan hai,itna bada aur vishaal kaaya hai teri,
Phir bhi hawaon ka saath tujhe zaruri kyoun lagta hai?
Kya khaas hai in hawaon me jo tujhe har disha me baha le jaati hain,
Kamzor kadiyon ko jodkar mazboot basera banati hain...,
Tu neela aasmaan hai ,teri kaaya hi tera taaz hai,
Phir kyoun tu hawaon sang mil apni kaaya ko badal leta hai,
Kabhi paani sa,kabhi pankhon sa,kabhi gusse se laal to kabhi narangi ban jaata hai ,
Tere roop hai kitne tu asal roop me kab aata hai?
Kabhi shaant kaaya,to kabhi kaali si chaaya,
Kabhi laal rang darawna,to kabhi indradhanushi maaya.
Tu kaun hai,tera roop kya hai?
Tu sach kab aur ksb jhooth ki kaaya hai?
Me anjaani ,kuch jaanu na....,
Yahi jaanu tere rang apaar hain...,
Kabhi nischal,kabhi pyara ,kabhi ishwar ka wardaan hai..,
Tujhse se hi seekha maine ye manushya roop mahaan hai..,
Jis rang sajo,bas yaad rakho ,har soorat me bhagwaan hai,
Jas bhase banavega tu sun ,tas roop tera diklayega..,
Jo yaad rakhe man ki surat,phir sab kuch ujhla paayega.
- Get link
- Other Apps
Comments